Бизнессийн салбарт үйл ажиллагаа явуулж байгаа хязгаарлагдмал хариуцлагатай компаний хувьд нийгэмдээ ээлтэй, ард иргэддээ тустай үйл ажиллагаа явуулахыг Cloud Nine-ий хамт олон зорьж байгаа билээ.
Энэхүү зорилгын хүрээнд хийгдэж буй бүхий л төсөлт хөтөлбөрүүдийг бид CARE буюу Халамж гэж нэрлэхээр шийдсэн бөгөөд CARE initiatives-ийн хамгийн анхны төсөл болох Hair band төслийг та бүхэндээ танилцуулах гэж байгаадаа туйлын баяртай байна.
FIRST PROJECT: Hair band
Бидний анхны төсөл бол Архангай аймгийн ”Олны санаачлага Архангайн зөвлөл” НҮТББ-тай хамтран хэрэгжүүлсэн ‘Hair band’ юм.
Тус ТББ нь Архангай аймгийн гэр бүл, хүүхэд, өрх толгойлсон болон хөгжлийн бэрхшээлтэй иргэд, ахмад настны эрх ашгийг хамгаалах, хүний хөгжлийн асуудалд оюуны хөрөнгө оруулалтыг хийж орон нутгийн хөгжилд өөрсдийн хувь нэмрийг оруулах зорилготой 2017 онд байгуулагдсан юм.
