Энэхүү серумд сэвх нөсөө толбыг цайруулах 3 төрлийн орцоос гадна арьсыг тайвшруулан үрэвслээс сэргийлэх бар өвсний ус 5% мөн чийгшил өгөх 8 төрлийн гиалуроны хүчил орсноороо давуу талтай.
Голлох орц:
- Чацаргана жимсний ус 63% – Гадаад орчны хорыг багасгаж, арьсны хамгаалах ханыг бэхжүүлнэ.
- Centella Asiatica навчны ус 5% – Амин хүчил, амин дэм, антиоксидантаар баялаг сентелла нь үрэвсэл, улайлтыг намжааж, гэмтсэн арьсыг эдгээж нөхөн сэргээдэг.
- Ниацинамид 5% – Витамин В3-ын нэг хэлбэр бөгөөд өргөссөн нүхийг багасгах, арьсны гадаргууг өнгөлөг цайвар болгох, хөгшрөлтийн эрт үеийн шинж тэмдгүүдтэй тэмцэх үйлчилгээтэй.
- Транексамийн хүчил 2% – Үрэвсэл бууруулж, арьсны өнгийг сэргээж, цайруулах үйлчилгээтэй.
Бусад орц:
- 8 төрлийн гиалуроны хүчил – Олон төрлийн молекулын хэмжээтэй тул арьсны бүхий л давхаргыг чийгээр ханган чийглэг, толигор арьсыг бий болгоно.
- 3-O-Ethyl Ascorbic Acid – Витамин Ц-ийн нэг төрөл ба нөсөө толбын үйлдвэрлэл идэвхжихээс сэргийлдэг. Энэ нь арьсны өнгийг ерөнхийд нь цайруулахад үр дүнтэй.
Lkh Uchral –
Хэрэглэж байсан хамгийн сайн витаминЦ байхаа. Шууд үр дүнгээ өгдөг
anuharchu –
Найрлагынхаа 63%-д чацарганын ханд, 5%-д ниацинамид, 2%-д транексаминий хүчил агуулсан учраас өглөөний арьс арчилгааны үеэрээ антиоксидант серум болгон ашиглах гэж хичээлээ.
Гол үйлчилгээ нь арьсыг цочроохгүйгээр сэвх нөсөө толбыг бүдгэрүүлэх, арьсны өнгийг сэргээх үйлчилгээтэй гэсэн байсан. Харамсалтай нь миний арьс илүү идэвхтэй Ц витаминаа үгүйлсээр байна лээ. Хавар болоод сэвх, нөсөө маань тодроод л ирсэн. Өнгөрсөн жил яг 21%-ийн аскорбиний хүчил агуулсан ампуль хэрэглэдэг байхад хаврын энэ үеэр арьс маань жигд, цайвар, илүү тунгалаг байсан санагдаад байна. Мэдээж жилээс жилд арьсны өнгө гундалгүй л яахав, гэхдээ би буцаад ийм “зөөлөн” серум рүү буцаад, сэтгэл хангалуун байхгүй бололтой. Дахиад нэг сав байгаа, тэрийгээ хэрэглэчихээд яг аскорбиний хүчил рүү буцна аа.
Надад л хэрэгцээнд маань дутуу санагдсан болохоос зөөлөн, цайруулах үйлчилгээтэй серум хайж байгаа хүмүүс туршаад үзээрэй, эргэн тойрон найзууд маань, найзуудын нөхрүүдэд их таалагддаг серум байна лээ.